नेपाल राष्ट्र बैंकले आज शुक्रबार सुनका असर्फी बिक्री नगर्ने भएको छ । केन्द्रीय बैंकले स्टक सकिएको भन्दै असर्फी बिक्री नगर्ने भएको हो । राष्ट्र बैंकले तिहारलाई लक्षित गरी सुनचाँदीका असर्फी र मेडालियन बिहीबारदेखि बिक्री सुरु गरेको थियो । हिजो पहिलोदिन कर्मचारीहरु समेतलाई गरी ४५ सय असर्फी बिक्री भएको थियो ।
केन्द्रीय बैंकले हरेक वर्ष धनतेरसमा सुन तथा चाँदीका सिक्का बिक्री गर्दै आएको छ ।
गत वर्ष सुन नभएका कारण चाँदीका मेडालियन मात्र बिक्री गरेको थियो । तर, यस वर्ष केन्द्रीय बैंकले वाणिज्य बैंकहरूसँग ३५ किलो सुन खरिद गरेर सुनका असर्फी पनि बिक्री थालेको थियो ।
प्रक्रियागत जटिलता र झन्झटका कारण बिक्री गर्न योग्य उत्पादन निकै न्यून हुने भएकाले बिहीबार नै सकिएका कारण शुक्रबार सुनका असर्फी बिक्री नगर्ने निर्णय गरेको केन्द्रीय बैंकका प्रवक्ता गुरु पौडेलले जानकारी दिए ।
बिहीबार केन्द्रीय बैंकले एक व्यत्तिलाई एक असर्फी र २ मेडालियनसम्म बिक्री गरेको थियो । सुनको असर्फी २.५ ग्राम र चाँदीका मेडालियन १० ग्राम तौलका छन् ।
सुनको असर्फीको मूल्य ६५ हजार ४ सय र चाँदीका मेडालियनको ३ हजार ८ सय रुफैयाँमा बिक्री गरेको थियो । शुत्रबार भने चाँदीका मेडालियन माक्र बित्री गर्ने भएकाले केन्द्रीय बैंकले एक मेडालियनको मूल्य ३ हजार ७ सय रुपैयाँ कायम गरेको छ ।
